අස්වැසුමට සුදුසුකම් නොලැබූ පවුල් 393,000 ට තවදුරටත් සහනාධාර

අස්වැසුම ප්‍රතිලාභ වැඩසටහන සඳහා සුදුසුකම් නොලැබූ දැනට සමෘද්ධි සහනාධාරය ලබන පවුල් තුන් ලක්ෂ 93,094 දෙනෙකු සදහා සමෘද්ධි දීමනාව තව දුරටත් ලබා දීමට තීරණය කළ බව මුදල් රාජ්‍ය අමාත්‍ය ෂෙහාන් සේමසිංහ මහතා පවසනවා .

දැනට සමෘද්ධි සහනාධාරය ලබන පිරිස අතරින් පවුල් පවුල් 8 ලක්ෂ 87,653 දෙනෙකු අස්වැසුම සුබසාධන ප්‍රතිලාභ සඳහා සුදුසුකම් ලබා ඇති බව සදහන් .

ජනාධිපති රනිල් වික්‍රමසිංහ මහතා විසින් මේ සම්බන්ධයෙන් ඉදිරිපත් කර තිබූ කැබිනට් පත්‍රිකාවට ද අනුමැතිය හිමිව තිබෙනවා .

මේ සදහා නව අයදුම් පත් භාරගැනීම දැනට ඉදිරිපත්ව ඇති අභියාචනා සහ විරෝධතා සලකා බැලීමේ කටයුතු අවසන් වූ වහාම ආරම්භ කරන බවයි අමාත්‍යවරයා ප්‍රකාශ කලේ .

මේ අතර දැනට වැඩිහිටි, වකුගඩු සහ ආබාධිත ආධාර ලබන පිරිස වෙනුවෙන් මීට පෙර ක්‍රියාත්මක වූ පරිදි ම අදාළ මුදල් ගෙවීම සිදු කිරීමටද තීරණය කර තිබෙනවා .

ඒ අනුව වැඩිහිටි දීමනා තැපැල් කාර්යාල මඟින් ද වකුගඩු සහ ආබාධිත දීමනා ප්‍රාදේශීය ලේකම් කාර්යාල මඟින් ද ලබා ගැනීමේ හැකියාව ඇති බව අමාත්‍යවරයා මෙහිදී තවදුරටත් සඳහන් කළා .