අධික උණුසුමට සෞඛ්‍ය ප්‍රවර්ධන කාර්යාංශයෙන් මහජනතාව වෙත විශේෂ දැනුම්දීමක්..

අධික උණුසුම නිසා ඇතිවන සෞඛ්‍ය බලපෑම් වලක්වා ගැනීම සදහා සෞඛ්‍ය ප්‍රවර්ධන කාර්යාංශය විසින් මහජනතාව වෙත විශේෂ දැනුම්දීමක් සිදු කර තිබෙනවා. මෙහිදි වයෝවෘද්ධ සහ රෝගී පුද්ගලයින් මෙන්ම කුඩා දරුවන් උෂ්ණත්වයෙන් පීඩාවට පත් විය හැකි බැවින් විශේෂයෙන් අවධානය යොමු කරන මෙන් අදාළ දැනුම්දීමේ සදහන්.

අධික පිපාසය, තොල් කට වියළිම, තද පැහැදි මුත්‍රා පිටවීම, මුත්‍රා පිටවීමේ වාර ගණන අඩු වීම වැනි කරුණු පිළිබද සැලකිලිමත් වන ලෙසයි එම අමාත්‍යාංශය ජනතාවට දැනුම් දෙන්නේ.

මේ අතර අද දින වී එෆ් එම් කතා මිනිස්ටි්‍රය කාලීන වැඩසටහනට එක් වෙමින් සෞඛ්‍ය ප්‍රවර්ධන කාර්යාංශයේ වෛද්‍ය ප්‍රසාද් වීරසිංහ මහතා අධික උෂ්ණත්වය සම්බන්ධයෙන් මෙලෙස අදහස් දක්වා සිටියා.

මේ අතර ඩෙංගු රෝගී තත්ත්වය ද දිවයින පුරා පැතිරීම හේතුවෙන් දැඩි අවධානයෙන් පසු වන ලෙසට ජාතික ඩෙංගු මර්ධන ඒකකයේ ප්‍රජා වෛද්‍ය විශේෂඥ වෛද්‍ය නිමල්කා පන්නිලහෙට්ටි මහත්මිය ද අද දින වී එෆ් එම් කතා මිනිස්ටි්‍රය කාලීන වැඩසටහනට එක් වෙමින් කියා සිටියා.

මේ අතර ඊයේ දිනයේදීත් කොවිඩි ආසාදිතයින් 7 දෙනෙකු මෙරටින් හදුනාගෙන ඇති බව සෞඛ්‍ය අමාත්‍යාංශය පවසනවා. පෙරේදා දිනයේදී ද කොවිඩ් ආසාදිතයන් සිව් දෙනෙකු වාර්තා වීම හේතුවෙන් ජනතාව දැඩි අවධානයකින් සිටින ලෙසයි සෞඛ්‍ය අමාත්‍යාංශය අනතුරු අගවන්නේ.